Қазір билік Қазақстанның көптеген өңірінде жалға берілетін пәтерді үлестіріп жатыр. Отбасы банк кім тұрғын үйді басқалардан бұрын алатынын және бұл қандай факторларға байланысты екенін түсіндірді.

Мемлекет қандай пәтерлерді жалға береді

  • Жалға берілетін тұрғын үйді әкімдіктер ұсынады. Бұл — кезекте тұрған азаматтар үшін арнайы салынған немесе құрылыс компанияларынан сатып алынған жаңа пәтерлер.
  • Әдетте жалға алу құны айына 15–20 мың теңге болады. Коммуналдық төлем мен үйді күтіп-ұстау кететін шығын бөлек төленеді.
  • Билік жалға алу келісімшартын бес жылға жасайды және оны ұзартуға болады. Кейін сатып алу құқығымен жалға алу мүмкіндігі де бар.

Пәтер үлестіргенде қандай факторлар ескеріледі

1. Кезекке тұрған күн
Азамат тұрғын үй кезегіне неғұрлым ертерек тұрса, пәтер алу мүмкіндігі соғұрлым жоғары болады.

2. Кезекте тұрған азаматтың категориясы

  • Мемлекет жыл сайын жалға берілетін тұрғын үйдің 70%-ын мына категориядағы адамдар арасында үлестіреді:
  • ардагерлер;
  • I және II топтағы мүгедектер;
  • мүгедек бала тәрбиелеп отырған отбасы;
  • жесір және тұл ер адам;
  • көпбалалы отбасы;
  • жетім балалар.

Билік осы квотадан тұрғын үйдің 20%-ын жетім балаларға сақтап қояды.

Қалған 30% пәтер басқа әлеуметтік осал топтағы адамдарға бөлінеді. Олардың қатарында толық емес отбасы, қандастар, зейнеткерлер, созылмалы ауруы бар азаматтар және басқалары бар.

Үміткерлер пәтер санынан көп болса, басымдық кезекке бұрын тұрғандарға беріледі.

3. Отбасы құрамы
Жүйе пәтерді отбасы мүшелерінің санына қарай таңдайды. Сәйкес келетін тұрғын үй болмаса, ауданы жағынан ең жақын нұсқаны ұсынады.
Пәтерден бас тартып, келесі үлестіру кезеңін күтуге болады.

4. Табыс
Жалға берілетін тұрғын үй алу үшін табысқа қатысты шектеу бар.

Табыс белгіленген шектен асса, тұрғын үй берілмейді. Үкімет оның орнына 2% немесе 5% мөлшерлемесі бар жеңілдікті ипотекалық бағдарламаларға қатысуды ұсынады.

Отбасы құрамы

Табыс шегі

Бір адам

5.5 ТКД дейін: шамамен 280 мың теңге

Екі адам 

3.5 ТКД дейін (әр адамға): шамамен 178 мың тг 

Үш және одан көп адам

2 ТКД дейін (әр адамға): шамамен 102 мың тг

2026 жылы ең төменгі күнкөріс деңгейі (ТКД) 50 851 теңгені құрайды.

Табыс соңғы алты ай бойынша есептеледі: осы кезеңдегі барлық кіріс қосылып, алтыға бөлінеді.

Қызық болуы мүмкін:
2026 жылы зейнетақы жинағының жаңа жеткіліктік шегі қандай