Қазақстанда халық 2 және 5 %-дық жеңілдікті ипотека бағдарламасы арқылы тұрғын үй рәсімдеп жатыр.

Кезекте тұрған азамат қай қалада және қашан өтінім жібере алатынын түсіндіреміз.

2 және 5 % мөлшерлемемен берілетін ипотека — мемлекеттік бағдарлама. Оған әлеуметтік осал топқа кіретін кезекте тұрған азамат қатыса алады. Олар: көпбалалы отбасы, жетім бала, толық емес отбасы, мүгедектер, ардагерлер және тағы басқа (жалпы 12 категория). Екі бағдарламаның операторы — Отбасы банк. Тұрғын үйді жергілікті әкімдік салады. Пәтер арзан әрі толық әрленген күйде сатылады.

Қай жерде пәтер бар

* Ұлытау облысы, Жезқазған қаласы, Гагарин көшесі, 70/3.

Бағасы: 255 270 тг/ш. м.
Кредит төлеу қабілетін бағалау: 20-22 мамыр.
Пәтер таңдау: 20-25 мамыр.

* Алматы облысы, Қарасай ауданы, Әйтей ауылдық округі, Өмірұзақ шағын ауданы.

Бағасы: 180 000 тг/ш. м.
Кредит төлеу қабілетін бағалау: 18-22 мамыр.
Пәтер таңдау: 18-22 мамыр.

* Алматы облысы, Іле ауданы, Өтеген батыр ауылы, Қуат шағын ауданы, Тәуелсіздіктің 10 жылдығы көшесі, 36/1 үй.

Бағасы: 200 000 тг/ш. м.
Кредит төлеу қабілетін бағалау: 18-22 мамыр.
Пәтер таңдау: 18-22 мамыр.

* Шымкент қаласы, Бозарық шағын ауданы.

Бағасы: 221 330 тг/ш. м.
Кредит төлеу қабілетін бағалау: 18 мамырдан 1 маусымға дейін.
Пәтер таңдау: 18 мамырдан 3 маусымға дейін.

* Павлодар облысы, Екібастұз қаласы, 2-шағын аудан, Пішенбаев көшесі, 30/3.

Бағасы: 253 545 тг/ш. м.
Кредит төлеу қабілетін бағалау: 18-22 мамыр.
Пәтер таңдау: 18-25 мамыр.

* Ақтөбе қаласы, Алматы ауданы, Қарғалы тұрғын алабы, 25/5 және 25/6-үйлер.

Бағасы: 246 000–250 000 тг/ш. м.
Кредит төлеу қабілетін бағалау: 19-25 мамыр.
Пәтер таңдау: 27 мамырға дейін.

2 және 5%-дық жеңілдікті ипотека қалай жұмыс істейді

  • Бастапқы жарна — 10 %.
  • Кредит мерзімі — 20 жылға дейін.

Мөлшерлеме мен бағдарлама кезекте тұрған адамның статусы мен табысына байланысты.

2%-дық ипотека әлеуметтік осал топтағыларға арналған. Бір адамға шаққандағы табыс 5 күнкөріс минимумынан аспауы керек, яғни 254 мың теңгеге дейін.

Кімдер қатыса алады:

  • көпбалалы отбасы;
  • жетім балалар;
  • I және II топтағы мүгедектер;
  • мүгедек баласы бар отбасы;
  • баласы бар жесірлер;
  • ҰОС ардагері;
  • ҰОС ардагерлеріне теңестірілген тұлғалар;
  • басқа елде жауынгерлік іс-қимылға қатысқан ардагерлер;

КМ — Қазақстандағы күнкөріс минимумы. 2026 жылы оның көлемі 50 851 теңгені құрайды.

5%-дық ипотека — әлеуметтік осал топтағылардың бәріне арналған. Бұл бағдарламада табыс деңгейі ескерілмейді.

Не сатып алуға болады

Екі ипотека бойынша үйді әкімдік салады. Пәтерді толық әрленген күйде береді, яғни бірден көшіп барасыз.

Маңызды: тұрғын үйді тек кезекте тұрған өңірден сатып алуға болады.

Кезекте тұрғандар не істеуі керек

Кезекте тұрған азаматтар Отбасы банкте кредит төлеу қабілетін бағалаудан өтуге тиіс. Бұл олардың табысы ипотека рәсімдеуге жеткілікті ме, соны анықтау үшін қажет. Екі бірлескен қарыз алушыны тартуға болады.

Бұл ипотекалар бойынша кезекте тұрғандар Отбасы банктің SMS жібергенін немесе арнайы шақыруды күтпеуі керек. Қатысушылар банк сайтындағы хабарландыруларды өздері бақылап, өтінім жібереді.

Пайдалы материалдар:
Биыл мемлекет беретін пәтерді қалай алуға болады
Қазақстандағы тұрғын үй кезегі: сұрақтарға жауап