Билік ипотека бойынша жылдық тиімді сыйақы мөлшерлемесінің (ЖТСМ) шекті деңгейін 25-тен 20%-ға дейін төмендетуді тағы кейінге қалдырды. 25%-дық мөлшерлеме 2027 жылдың 1 қаңтарына дейін сақталады.
Қаулы жобасын Қаржы нарығын реттеу және дамыту агенттігі жариялады.

Ұсыныс қандай

2027 жылдың 1 қаңтарынан бастап ипотека бойынша ЖТСМ 20%-ға дейін төмендейді.

Мөлшерлеме бастапқы жарнаға байланысты болады. Ол үшін LTV коэффициенті (несие сомасының тұрғын үй құнына қатынасы) қолданылады:

  • LTV 0.7-ге дейін (қоса алғанда) — ЖТСМ 20%;
  • LTV 0.7-ден жоғары — ЖТСМ 25%.

Мысалы: пәтер 30 миллион теңге тұрады.
Бастапқы жарна 30% болса, LTV = 0.7→ мөлшерлеме 20%.
20% болса, LTV = 0.8→ мөлшерлеме 25%.

Бұл нені білдіреді

Жақын уақытта несие айтарлықтай арзандамайды.
Неғұрлым тиімді шарт тек 2027 жылдан бастап, бастапқы жарнасы жоғары азаматтар үшін ғана қолжетімді болуы мүмкін.

Неліктен тағы кейінге шегерілді

Билік мөлшерлемені төмендету мәселесін бір жылдан астам уақыт бойы талқылап келеді. Бастапқыда оны былтыр жазда енгізбекгі болды. Алайда банктер мұндай шектеумен жұмыс істеуге дайын емес екенін мәлімдеді.

Осыдан кейін мерзім бірнеше рет ауысты: әуелі 2025 жылдың қарашасына, кейін 2026 жылдың шілдесіне, енді міне 2027 жылға шегеріліп отыр.

Қазір жаңа өзгеріс жобасын 22 маусымға дейін қоғам талқылайды.

2027 жылдан бастап қарыз алушының несие жүктемесін шектейтін табысқа шаққандағы қарыз коэффициенті пайда болады.

Пайдалы материалдар:
Ұлттық банк мөлшерлемені 17%-ға дейін төмендетті: несие арзандай ма
Отбасы банк ипотека мөлшерлемесін көтереді
2026 жылы жалға бергенде қанша және қашан салық төлеу керек