2026 жылы зейнетақы жинағының жаңа жеткіліктік шегі қандай

БЖЗҚ зейнетақы жинағының жаңа жеткіліктік шегін жариялады. Ол кемінде 79 % өсті, зейнет жасына таяп қалғандар үшін екі есе өсті.

Неліктен шек қайта көтерілді

Соңғы алты айда шек екінші рет көтіріліп отырғанын еске саламыз.
Алғашқы өзгеріс 2026 жылдың 1 қаңтарынан бастап күшіне енді. Ол кезде көрсеткіш инфляция деңгейіне сәйкес орта есеппен 10%-ға өсті.
Мамырдың аяғында үкімет жеткіліктік шегін есептеудің жаңа әдістемесін бекітті. Бұл ереже 2026 жылғы 5 маусымнан бастап қолданысқа енді.

Жаңа әдістеме халықаралық тәжірибеге негізделген. Енді шекті есептегенде адамның болашақта төлейтін зейнетақы жарналары емес, зейнетке шыққаннан кейін төлем алу үшін шотында қалуға тиіс қаражат көлемі есепке алынады.

Есептеу барысында ең төменгі зейнетақы мен ең төменгі жалақы сияқты әлеуметтік көрсеткіштер ескеріледі.

Зейнетақы жинағының жаңа жеткіліктік шегі

Жас	Зейнетақы жинағының ең төменгі жеткіліктік шегі, теңге	Жас	Зейнетақы жинағының ең төменгі жеткіліктік шегі, теңге
20	6 670 000	42	14 160 000
21	6 960 000	43	14 560 000
22	7 250 000	44	14 980 000
23	7 540 000	45	15 400 000
24	7 840 000	46	15 820 000
25	8 150 000	47	16 250 000
26	8 460 000	48	16 690 000
27	8 770 000	49	17 140 000
28	9 090 000	50	17 590 000
29	9 420 000	51	18 050 000
30	9 750 000	52	18 510 000
31	10 090 000	53	18 980 000
32	10 430 000	54	19 460 000
33	10 780 000	55	19 950 000
34	11 130 000	56	20 450 000
35	11 490 000	57	20 950 000
36	11 850 000	58	21 460 000
37	12 220 000	59	21 970 000
38	12 600 000	60	22 500 000
39	12 980 000	61	23 030 000
40	13 370 000	62	23 570 000
41	13 760 000	-	-

Жаңа жүйенің басты ерекшелігі — азамат зейнетке шыққанға дейін міндетті түрде жұмыс істеп, өзінің зейнетақы шотын толтыра береді деген болжамға сүйенбейді.

Мұндай тәсіл тұрғын үй сатып алу немесе емделу мақсатында қаражат алғаннан кейін зейнетақы жинағының жетпей қалу қаупін азайтуға тиіс.
Жеткіліктік шегінен асатын зейнетақы қаражатын тұрғын үй алу немесе емделу үшін пайдалануға болады.

Бұрын жинақтың бір бөлігін алғаннан кейін болашақ зейнетақы мөлшері орташа жалақының шамамен 15%-ын құрайтын, енді көрсеткіш 40% деңгейінде.

Жинағыңыз бен пайдалануға болатын артық соманы БЖЗҚ-дағы жеке кабинеттен немесе eGov Mobile қосымшасынан көре аласыз.

Қызық болуы мүмкін:
Отбасы банктегі ипотеканы зейнетақы қорындағы ақшамен қалай өтеуге болады — нұсқаулық

Krisha.kz материалынан дәйексөз келтіру үшін редакциядан рұқсат алу қажет. Krisha.kz материалын пайдаланғанда бірінші абзацта міндетті түрде сілтеме болуы керек!