Алатау қаласына кірген елді мекендерде тегін 10 сотық жер алу үшін кезекте тұрған халық қайта кезекке тұруға мәжбүр. Олар кезекті басынан бастамайды. Бұрынғы кезектегі орны сақталады.
Осыған байланысты Ауыл шаруашылығы министрлігі арнайы ереже әзірледі.

Не өзгереді

Жаңа ереже жаңа Алатау қаласына кірген ауылдар мен кенттерде жеке тұрғын үй құрылысы үшін тегін жер алу мақсатында кезекте тұрған азаматтарға қатысты.

Ауыл шаруашылығы министрлігі Krisha.kz-ке түсіндіргендей Алатау арнайы мақсаты бар қала болатынын айтты. Бұл өңірде жеке тұрғын үй салуға арналған жер телімдері берілмейді.

Жер алғысы келетіндер үй салуға арналған жер телімдері берілетін басқа ауылда немесе кентте қайтадан кезекке тұруы керек. Үкімет кезектегілер тең дәрежелі орнын сақтап қалады деп уәде етті.

Тең дәрежелі орын деген не

Алғаш кезекке тұрған күн өзгермейді.

Мысалы, адам 2022 жылы өтініш берген болса, қайта кезекке тұрғанда сол күн есепке алынады. Яғни ол тізімнің соңына түсіп қалмайды және осы күнге дейін күткен уақытын жоғалтпайды.

Неліктен жаңа ереже пайда болды

Билік оны «Алатау қаласының арнаулы құқықтық режимі туралы» заң қабылданғаннан кейін әзірледі.

Өзгеріс қашан күшіне енеді

Жаңа ереже 2027 жылдан бастап қолданысқа енеді. Қазір құжат қоғам талқысына шықты. Талқылау 17 маусымға дейін жалғасады.

Қазір кезекте тұрғандар не істеуі керек

Әзірге деректеріңізді тексеріп, кезекке тұрған күніңіз туралы ақпаратты сақтап қойған жөн. Болашақта қайта өтініш бергенде осы мәліметтерді салыстырасыз.

Кезекті екі тәсілмен тексеруге болады (ЭЦҚ қажет):

Мұнда кезек нөмірін, өтініш берілген күнді және оның статусын көруге болады.

Жаңа ереже қабылданса, eGov арқылы қайта өтініш тапсыру қажет. Қызметтің атауы — «Жеке тұрғын үй құрылысына жер учаскесін (10 сотық жер) алуға кезекті қарау немесе кезекке тұру».

Қызық болуы мүмкін:
2026 жылы тегін жер телімі: 10 сұрақ пен жауап
Отбасы банк ипотека мөлшерлемесін көтереді
Krisha.kz-те пәтердің рейтингі мен адамдардың пікірі пайда болды
Қазақстан билігі зейнетақы шегін есептеудің жаңа әдістемесін бекітті
2026 жылы тұрғын үй кезегін қалай тексеруге болады