1 маусымнан бастап Алматыда «Алматы жастары» тұрғын үй бағдарламасы бойынша өтінім қабылдау басталады. Бұл — Алматыда тұрып, жұмыс істейтін жасы 35-тен аспаған жастарға арналған ипотека. Мөлшерлеме небәрі 5%, ал бастапқы жарна 10%-дан басталады.

«Алматы жастары» бағдарламасының шарттары

  • ең жоғары несие сомасы — 20 млн теңге;
  • мөлшерлеме — 5%;
  • бастапқы жарна — 10%;
  • бірінші және екінші нарықтағы пәтерді сатып алуға болады.

Қолайлы баспананы Krisha.kz-тен табуға болады. Бұл — Қазақстандағы жылжымайтын мүлік саудасы бойынша ең ірі хабарландыру базасы.

«Алматы жастары»: қалай өтінім беруге болады

Өтінім онлайн түрде kezekte.kz порталында қабылданады:
2026 жылғы 1 маусым сағат 09:00-ден 15 маусым сағат 18:00-ге дейін.

«Тұрғын үй қызметтері» бөліміне кіріп, Almaty Jastary сервисін таңдаңыз.

Кіру үшін электрондық цифрлық қолтаңба (ЭЦҚ) қажет.

2026 жылғы 15 маусымды қоса алғанда өтінім беруге болады.

Өтінім беру үшін қажет құжат пен анықтамалардың толық тізімін мына сілтеме арқылы көре аласыз.

Кім қатыса алады

Мына салалардағы мемлекеттік мекемелер мен ұйымдардың қызметкерлері:

— денсаулық сақтау;
— білім беру;
— мәдениет;
— спорт;
— жоғары оқу орындары мен ғылыми-зерттеу институттары;
— журналистика;
— әлеуметтік сала;
— құқық қорғау органдары;
— қалалық коммуналдық қызметтер;
— «Жұмыс істейтін жастар» бағдарламасының жалға алушылары.

«Алматы жастары» ипотекасының талаптары

Қатысушыларға қойылатын талаптар:

  • Алматыда кемінде 1 жыл тұрақты тіркелген;
  • соңғы 5 жылда өзінде және отбасы мүшелерінде тұрғын үй болмауы;
  • Алматыда кемінде 6 ай ресми еңбек өтілі болуы;
  • міндетті зейнетақы жарналары аударылған болуы қажет.

Толық ақпарат kezekte.kz сайтында жарияланған.
Анықтама телефоны: +7 (727) 225-14-57.