Алматыда қыркүйекте газ есептегішті жаппай ауыстыруға бағытталған үш жылдық Aqyl Energy бағдарламасы басталады. Жеке сектордағы ескі есептегіштің орнын қашықтан дерек жіберетін «ақылды» құрылғы басады. Тұтынушылар үшін бұл қызмет тегін болады.

— Үш жыл ішінде шамамен 155 мың есептегішті қашықтан дерек жіберетін құрылғыға ауыстыруды жоспарлап отырмыз. Жұмыс компаниямыздың қаражаты есебінен жүргізіледі. Сондықтан тұтынушылар үшін есептегішті ауыстыру қызметі толықтай тегін болады, — деді Өңірлік коммуникациялар қызметіндегі брифингіде QazaqGazAimaq өкілі Нариман Хасенов.

Жаңа есептегіш көрсеткішті қызмет көрсетуші компанияға автоматты түрде жібереді. Сондықтан үй иелері бұдан былай көрсеткішті бақылаушыға хабарламайды.

Aqyl Energy бағдарламасы аясында 2029 жылдың аяғына дейін Қазақстан бойынша 1.352 млн газ есептегіш ауысады.

Қазақстанда газ, электр энергиясы және су сияқты негізгі коммуналдық қызметтер ақылды есептегіштерге көшіп жатыр. Газ және электр энергиясының есептегішін компания ауыстырады. Ал су есептегішті ауыстыру шығынын үй иелері төлеуі мүмкін. Мұндай құрылғының бағасы 85 000 теңгеден басталады.

Пайдалы материалдар:
Қазақстанда жаңа су есептегіш пайда болды
Есептегішті ауыстыратын уақыт келді: қанша тұрады
Алматыда студент жатақханадан орын қалай алады