Жақында билік Алматыда тұрғын үй кезегінде тұрғандарға сатып алу мүмкіндігі бар 1497 жалға берілетін пәтерді үлестіреді. Пәтерлер Жетісу, Наурызбай және Алатау аудандарында орналасқан.

Пәтерлердің басым бөлігі (1124 баспана) әлеуметтік осал топқа жататындарға: көпбалалы отбасы, жетім балалар, мүгедектер және басқа жеңілдікке ие азаматтарға беріледі.

Қалған 373 пәтерді басқа кезекте тұрғандар, мысалы, толық емес отбасы мен қандастар алады.

Қай тұрғын үй кешенінен және қанша пәтер беріледі

Әлеуметтік осал топтар үшін:

  • Kenesary ТҮК — 740 пәтер;
  • Shahar city ТҮК — 347;
  • Kok-jiek ТҮК — 23;
  • Alem city ТҮК — 13;
  • Alma city 1 ТҮК — 1.

Қалғандар үшін:

  • Kenesary ТҮК — 139;
  • Kargaly city ТҮК — 138;
  • Shahar city ТҮК — 74;
  • Altyn ai ТҮК — 22.

SMS келгеннен кейін не істеу керек

Кезегі келген азаматтарға 1414 нөмірінен SMS хабарлама келеді.

Одан кейін:

  1. orken.otbasybank.kz сайтына кіріп, түгендеуден өту қажет.
  2. baspana.otbasybank.kz сайтында пәтерді қабылдауға келісім беру немесе одан бас тарту керек.

Шешім қабылдауға бес жұмыс күні беріледі. Осы мерзім ішінде келісім бермесеңіз, пәтер келесі кезекте тұрған азаматқа беріледі. Бұл жағдайда келесі үлестіруге дейін күтуге тура келеді.

Пайдалы материалдар:
Алматы тұрғындарына арналған тегін тұрақ: қалай рәсімдеуге болады
Қазақстанда 5%-дық ипотека басталды: кім рәсімдей алады