Билік Алматыда пәтерге немесе үйге тіркеуге болатын адамдардың санына шектеу қойылмақ.

Жобаны Алматы әкімдігі әзірледі. Құжат 11 тамызда «Ашық НҚА» порталында жарияланды. Қазір жоба қоғам талқысына шықты, ұсыныстар 26 тамызға дейін қабылданады.

Тіркеу тәртібі қалай өзгереді

Норматив тұрақты және уақытша тіркеуге қатысты болады.

Бір тіркелген адамға кемінде 15 шаршы метр тұрғын үй алаңы тиесілі болуы керек.

Мысалы, ауданы 60 шаршы метр пәтерге тек төрт адамды тіркеуге болады. Бірақ меншік иесінің отбасы мүшелері мен жақын туыстарына бұл шектеу қолданылмайды..

Мұндай тәртіп қазірдің өзінде Астанада қолданылады.

Шектеу не үшін енгізіледі

Жаңа тәртіп адамдар іс жүзінде тұрмайтын, бірақ көп адам тіркелген «резеңке пәтерлермен» күресу үшін енгізіледі.

Бұл мәселе Алматы мен Астана үшін өзекті. Мысалы, жақында Алматының Наурызбай ауданындағы бір бөлмелі пәтерде 990 адам тіркелген.

Кім тексереді

Әзірге жобада тіркелген адамдардың саны нақты қалай тексеретіні жазылмаған. Әдетте мұндай жұмысты Ішкі істер министрлігінің Көші-қон қызметі мен полиция айналысады.

Болашақта цифрлық шектеу енгізілуі мүмкін: жүйе тұрғын үйдің аумағы мен тіркелген адамдардың санын автоматты түрде есептеп, белгіленген нормативтен артық адамды тіркеуге мүмкіндік бермейді.

Үкімет жасанды интеллектіні де қосуды жоспарлап отыр.

Маңызды: бұл әзірге тек жоба. Оны әлі талқылап, бекіту керек. Жаңа ереже әзірге қолданыста емес.

Пайдалы материалдар:
Біз «Крыша» мен «Колёса» газеттерін қайта жаңғырттық
Krisha.kz картасында Қазақстандағы көрнекі жерлер пайда болды