Соңғы рет нағыз газетті қашан оқыдыңыз? Ұшақтағы журнал немесе жарнамалық буклет емес, бір кездері көлік не пәтер іздеп парақтаған, ішінде хабарландырулары бар газет туралы айтып отырмыз.

«Крыша» мен «Колёса» тарихы дәл осындай газеттен басталған еді. 30 жылдық мерейтойымызға орай аз уақытқа тарихымыздың бастауына қайта оралып, баспа нөмірін шығаруды ұйғардық. Мерейтой үшін бұдан да мағыналы нәрсе ойлап табу қиын.

Біз «Крыша», «Колёса» және Kolesa Group тарихын жинақтап, 90 жылдардағы жылжымайтын мүлік пен көлік нарығын еске түсірдік. Компаниямыздың қалыптасуына атсалысқан әріптестеріміз туралы жазып, сол кездегі хабарландырулар мен жаңалықтарды қайта жаңғырттық.

Мерейтойлық нөмірді Алматыдағы Панфилов көшесі, 123 мекенжайындағы «Аққу» кафесінде оқи аласыз. Мерейтойымызға орай мұнда ретро тағамдардан тұратын арнайы мәзір бар. Түскі ас ішіп, нағыз газетті оқып, бізбен бірге аз уақытқа өткенге саяхаттай аласыз. Науқан 28 тамызға дейін жалғасады.

«Крыша» тарихының бір бөлігіне айналған әр адамға рақмет. Алғаш рет үй іздедіңіз бе, пәтер саттыңыз ба, жалға бердіңіз бе, әлде кешкісін жай ғана хабарландыруларды қарадыңыз ба, маңызды емес. Сіздерсіз бұл газет те, сайт та, қосымша да, миллиондаған жақсы оқиға да болмас еді.

Алда бізді бақытты сәттер күтіп тұрғанына сенімдіміз. Сол сәттердің бір бөлігі болуға қуаныштымыз.