Кіреберіс лас болса, домофон жұмыс істемесе, камералар өшіп тұрса, тұрғындар мердігерден кемшіліктерді жоюды талап етуге немесе басқа компанияны таңдауға құқылы. Ең бастысы — шешімді дұрыс рәсімдеу.
Мұны қалай жасау керегін түсіндіреміз.

Неден бастау керек

Алдымен компаниямен жасалған келісімшартты тауып, оның мерзімін, қызмет құнын және шартты бұзу талаптарын қарау керек. 

Алайда келісімшарт қолда болмауы да мүмкін. Заңгер Аркадий Рубцовтың айтуынша бұл қиындық туғызбайды:
— Қызмет көрсетушімен жасалған қағаз түріндегі келісімшартты тапай қалуыңыз мүмкін. Сондықтан жағдайды өзгертуге үй иелерінің жиналысы көмектеседі.

Алдымен — наразылық

Мәселе жақында пайда болса, алдымен кемшіліктерді жоюды талап етуге болады. Ол үшін жиналыста шағымдарды тіркеп, кемшіліктерді түзету мерзімін белгілеу қажет.

Мысалы: «кіреберісті белгіленген кесте бойынша тазалау» немесе «домофонның жұмысын қалпына келтіру».

Шешімді хаттамаға қосып, мердігерге тапсырыңыз. Компания оған жауап бермесе, келесі кезеңге өтуге болады.

Мердігерді қалай ауыстыруға болады

Жиналыста тұрғындар мынадай шешім қабылдай алады:

  • бұрынғы мердігермен жасалған келісімшартты бұзу;
  • жаңа компанияны таңдау;
  • қызмет құнын жазу.

Қанша дауыс қажет

Келісетіндер немесе келіспейтіндердің қолдары жеткіліксіз. Дауыс беріп, шешім қабылдау қажет. Дауыс беруге барлық меншік иесінің кемінде 51%-ы қатысып, шешім қабылдауы керек. Жиналысты кездесіп, кездеспей немесе онлайн өткізуге болады.

Дауыс берген соң не істеу керек

Нәтиже хаттамаға қосылады. Құжатты еркін формада рәсімдеуге болады. Хаттама ПИК, МИБ, басқарушы компанияға және бұрынғы мердігерге беріледі. Осыдан кейін бұрынғы мердігермен жасалған келісімшарт бұзылады.

Одан соң ПИК немесе МИБ арқылы жаңа компаниямен келісімшарт жасасуға болады.

Маңызды: меншік иелерінің шешімі белгіленген тәртіппен қабылданып, яғни хаттамамен рәсімделсе, бұрынғы қызмет көрсетушінің мердігерді ауыстыруға келісімі қажет емес.

Барлық құжаттың көшірмесін тұрғындарға түбіртек-шоттарды шығаратын есеп айырысу орталықтарына да жіберу керек.

Ең бастысы чатта хат алмасумен ғана шектелмеңіз. Мына схеманы сақтаңыз: жиналыс → дауыс беру → шешім → хаттама → келісімшартты бұзу → жаңа мердігер.

Пайдалы материал:
Шатырдан су ақты: не істеу керек, қайдан ақша аласыз
​​Қандай жағдайда ПИК қызметі үшін төлемесе болады