ХҚКО жеке менеджерді үйге шақыру қызметін іске қосты. Маман шақырту бойынша үйге келіп, кеңес береді, құжаттарды қабылдайды және мемлекеттік қызметті рәсімдеуге көмектеседі.
Оның ішінде жылжымайтын мүлік пен жер теліміне қатысты қызметтер де бар.

Қызмет қарт адамдарға, қозғалысы шектеулі азаматтарға, сондай-ақ ХҚКО-ға баруға уақыт таба алмайтын адамдарға ыңғайлы.

Үйге шақыру қызметі қанша тұрады

Жеке менеджерді үйге шақыру құны — 7447 теңге. Құжат рәсімдеу үшін мемлекеттік баж төлеу керек болса, оны бөлек төлейсіз.

ХҚКО қызметкерін үйге қалай шақыруға болады

Өтінімді мына жолдармен беруге болады:

  • «ЦОН» мобильді қосымшасы арқылы;
  • «Азаматтарға арналған үкімет» сайтындағы «Менеджерді үйге шақыру» бөлімі арқылы;
  • 1414 нөмірі арқылы.

Өтінімге мына мәліметтерді жазу қажет:

  • ЖСН;
  • аты-жөніңіз;
  • телефон нөміріңіз;
  • маман баруға тиіс мекенжай.

Кейін фронт-офис қызметкері өтінім жіберушіге хабарласып, қажет мәліметтерді және бару керек уақытты нақтылайды.

Қызметте шектеулер бар. Паспорт пен жеке куәлікті және арнайы ХҚКО-да жасалатын қызметі рәсімдеу мүмкін емес. Ол үшін азаматтың өзі баруы қажет.

Қызмет Қазақстанның барлық өңірінде жұмыс істейді.

Дайын болған құжатты ХҚКО-дан үйге жеткізу қызметіне де тапсырыс беруге болады. Оның құны:

  • Астана, Алматы және Шымкентте — 2061 теңге;
  • басқа өңірлерде — 1036 теңге.

Дайын құжаттарды ХҚКО-дағы постаматтан алып кетуге болады. Автоматты беру пункттері тәулік бойы, демалыссыз жұмыс істейді. Қызмет құны — 518 теңге.