2027 жылғы 1 қаңтардан бастап Қазақстанда айлық есептік көрсеткіш (АЕК) 4325 теңгеден 4693 теңгеге дейін жоғарылайды. Үйді күтіп-ұстау, күрделі жөндеу жұмыстары, нотариус қызметі, мемлекеттік баж бен айыппұлдың мөлшері АЕК-ке байланысты.
2027 жылы бұл төлем қанша болатынын есептедік.

1. Үйді күтіп-ұстау

Тариф АЕК мөлшеріне байланысты. Қазір Алматыда тариф 0.016 АЕК, яғни 1 шаршы метрге 70 теңге.
АЕК өскен соң бұл сома 75 теңгеге дейін көтерілуі мүмкін. Ауданы 60 шаршы метр пәтер үшін ай сайынғы төлем 4200 теңгенің орнына 4500 теңге болады.

2. Күрделі жөндеу жұмыстары

Заң бойынша ең төмен жарна — 1 шаршы метрге 0.005 АЕК.
2027 жылы бұл 23.5 теңге болады, қазір ол 21.6 теңге. Ауданы 60 шаршы метр пәтер үшін ай сайынғы төлем 1408 теңгені құрайды, қазір бұл сома 1298 теңге.

3. Айыппұл

22:00-ден кейін шулаған, подъезде қоқыс тастаған немесе алкоголь ішкен адам 21 625 теңгенің орнына 23 465 теңге (5 АЕК) айыппұл төлейді.
Подъезде темекі шеккені үшін — 64 875 теңгенің орнына 70 395 теңге (15 АЕК).
Бөтен мүлікті бүлдіргені үшін — 216 250 теңгенің орнына 234 650 теңге (50 АЕК).

4. Нотариус

Жеке тұлғалар арасындағы сатып алу-сату келісімшарты — 51 900 теңгенің орнына 56 316 теңге (12 АЕК).
Ипотека бойынша мәміле үшін — 17 300 теңгенің орнына 18 772 теңге (4 АЕК).
Жұбайының келісімі — 6488 теңгенің орнына 7040 теңге (1.5 АЕК).

5. Жалға беруші

Арнайы салық режимдеріне арналған табыс шегі де өседі:

  • өзін-өзі жұмыспен қамтығандар — айына 1.4 млн теңге, қазір 1.3 млн теңге (табыс шегі — 300 АЕК);
  • оңайлатылған декларация — жылына 2.8 млрд теңге, қазір 2.6 млрд теңге (табыс шегі — 600 000 АЕК).

Салық режимдерінің шарттары өзгермейді.

Жалақы мен зейнетақы

Бюджет жобасында 2027 жылға арналған басқа көрсеткіштер де жазылған:

  • ең төменгі жалақы — 85 000 теңге, өзгеріссіз қалады;
  • ең төменгі зейнетақы — 69 049 теңгенің орнына 74 919 теңге;
  • базалық зейнетақы төлемі — 35 596 теңгенің орнына 38 622 теңге;
  • күнкөріс минимумы — 50 851 теңгенің орнына 55 173 теңге.

Әлеуметтік жәрдемақылардың бір бөлігі үшін АЕК пен күнкөріс минимумы 2026 жылғы деңгейде қалады — 4325 және 50 851 теңге.

Жаңа бюджет жобасы әзірге қабылданған жоқ. Талқылау 5 қыркүйекке дейін жалғасады.

Пайдалы материалдар:
Көрші ереже бұзса қайда шағымдануға болады
Есептегішті ауыстыратын уақыт келді: қанша тұрады
Пәтер сатып алар алдында нені тексеру керек: құжаттар мен маңызды жайттар