Қазақстанда алаяқтар «ЭЦҚ мерзімін ұзарту» керек деп қоңырау шалып жатыр. Олар өздерін eGov немесе 1414 қызметкерлері ретінде таныстырып, SMS арқылы келген кодты айтуды сұрайды.

Бұл — алаяқтар. Кодты айту арқылы олар сіздің жылжымайтын мүлік, несиелер туралы деректеріңізге және басқа электрондық сервистерге кіруі мүмкін.

«Ұлттық ақпараттық технологиялар» АҚ Krisha.kz-ке хабарлағандай:

  • ЭЦҚ мерзімі аяқталатыны туралы шынайы хабарлама тек SMS арқылы және электрондық поштаға келеді;
  • eGov және 1414 қызметкерлері ЭЦҚ мерзімін ұзарту керек деп хабарласпайды.

Алаяқтардың арбауына түспеудің жолдары

SMS арқылы келген кодты, ЭЦҚ кілтін және құпиясөзді ешкімге айтпаңыз.
Күдікті сілтемелер арқылы өтпеңіз.
Қоңырау шалушылардың өтініші бойынша қандай да бір қосымшаны орнатпаңыз.
Сізге телефон арқылы ЭЦҚ мерзімін ұзарту керек десе, қоңырауды тоқтатып, ақпаратты ресми сервистер арқылы өзіңіз тексеріңіз.

ЭЦҚ-ның жарамдылық мерзімін eGov Mobile қосымшасында: «Профиль» → «Менің ЭЦҚ» бөлімінен көруге болады.

Пайдалы материалдар:
15 қыркүйекке дейін жылжымайтын мүлікке декларацияны кім тапсырады
Көрші ереже бұзса қайда шағымдануға болады