Кейінгі екі аптада көптеген қалада жалға берілетін тұрғын үй қымбаттады. Екі және үш бөлмелі пәтерлердің құны өсті. Ең жоғары өсім Алматыда.

Жалға алу нарығында не болып жатыр

Шілденің аяғында нарық жандана бастады. Сол кезде Қазақстан бойынша орташа өсім бір айда 3%-дан асты.
Тамызда баға одан әрі жоғарылады. Алғашқы екі аптада, яғни 1–18 тамыз аралығында орташа жалға алу құны 3.8% өсті.

Дегенмен өсім барлық жерде бірдей емес: кейбір қалада пәтер айтарлықтай қымбаттаса, кей жерде өзгермеді. Кей қалада тіпті арзандады.

Екі және үш бөлмелі пәтерлер қымбаттады

Тамыздың алғашқы жартысында екі және үш бөлмелі пәтерлер қымбаттады.

Қазақстан бойынша орташа баға былай өзгерді:

  • бір бөлмелі пәтер: +2.5%;
  • екі бөлмелі пәтер : +4.3%;
  • үш бөлмелі пәтер : +4.2%.

Бұған себеп — маусымдық фактор. Тамызда студенттер жаңа оқу жылына дайындалып, тұрғын үй іздей бастайды.

Жалға алу бағасы қай жерде көп өсті

Орташа баға көп өскен қалалар:

  1. Ақтау: +9.5%;
  2. Алматы: +8.6%;
  3. Семей: +7.7%;
  4. Павлодар: +7.4%;
  5. Петропавл: +5.6%.

Одан кейін Түркістан (+5,6%), Қарағанды (+5,3%), Ақтөбе (+4%), Астана (+3,9%) және Шымкент (+3,8%) тұр.

Алматыда жалға берілетін пәтер қанша тұрады

Алматы басқа қалалардан қарағанда ерекше көзге түседі.
Тамызда бір бөлмелі пәтер әзірге қымбаттамады — 220 мың теңгеге жуық. Олардың бағасы шілденің аяғында өсті.

Кейінгі екі аптада екі бөлмелі пәтер 300 мыңнан 340 мың теңгеге жетті, ал үш бөлмелі пәтер 410 мыңнан 450 мың теңгеге дейін өсті.

Тамыздың екі аптасында Алматыда екі және үш бөлмелі пәтерлерді жалға алу бағасы 10–13% көтерілді.

Астанада жалға берілетін пәтер қымбаттады ма?

Елордада бір бөлмелі пәтер қатты қымбаттады. Олардың бағасы 220 мыңнан 240 мың теңгеге дейін жетті, яғни 9.1% өсті.
Екі бөлмелі пәтердің бағасы 300 мыңнан 320 мың теңгеге (+6.7%) артты.
Үш бөлмелі пәтердің бағасы (500 мың теңге) әзірге өзгермеді.

Қай жерде пәтер жалға алу бағасы арзандап жатыр

Жалпы өсімге қарамастан, кей қалада баға төмендеді.
Қостанайда үш бөлмелі пәтердің бағасы 290 мыңнан 270 мың теңгеге дейін, яғни 6.9% арзандады.
Талдықорғанда үш бөлмелі пәтердің құны 190 мыңнан 180 мың теңгеге дейін (—5.3%) төмендеді.

Пәтерді қалай қауіпсіз жалға алуға болады

Нарық жанданғанда алаяқтар шығады. Олардың арбауына түсіп қалмас үшін бірнеше қарапайым ережені сақтаңыз:

  • пәтерді көрмей тұрып ақша аудармаңыз;
  • меншік иесінің құжаттарын тексеріңіз;
  • жазбаша жалға алу келісімшартын жасаңыз;
  • қоныстанғанда пәтер мен мүліктің жағдайын суретке түсіріп алыңыз. Бұл көшіп кеткенде туындайтын даулардың алдын алуға көмектеседі.

Қызық болуы мүмкін:
Алматыда студент жатақханадан орын қалай алады